ભારત અને ન્યુઝીલેન્ડ વચ્ચે ટેસ્ટ સીરીઝની પ્રથમ મેચ બેંગલુરુમાં રમાઈ રહી છે. આજે સ્પર્ધાનો ત્રીજો દિવસ છે. દિવસની રમત સવારે 9:15 કલાકે શરૂ થશે.
બેંગલુરુ ટેસ્ટનો બીજો દિવસ સંપૂર્ણ રીતે ન્યૂઝીલેન્ડના નામે રહ્યો હતો. કીવી ટીમે પ્રથમ દાવમાં ભારતને 46 રનમાં ઓલઆઉટ કર્યું હતું. જે બાદ દિવસની રમતના અંતે 3 વિકેટે 180 રન થયા હતા. આ રીતે ટીમને 134 રનની લીડ મળી ગઈ છે.
રચિન રવિન્દ્ર અને ડેરીલ મિશેલ અણનમ પરત ફર્યા હતા. ન્યુઝીલેન્ડ તરફથી ડેવોન કોનવે 91, વિલ યંગ 33 અને ટોમ લાથમ 15 રન બનાવીને આઉટ થયા હતા. રવિન્દ્ર જાડેજા, આર અશ્વિન અને કુલદીપ યાદવને 1-1 વિકેટ મળી હતી.
ત્રણ મેચોની ટેસ્ટ શ્રેણીની પ્રથમ મેચનો પ્રથમ દિવસ વરસાદને કારણે રદ કરવામાં આવ્યો હતો. ગુરુવારે, એમ ચિન્નાસ્વામી સ્ટેડિયમમાં બીજા દિવસે, ભારતીય કેપ્ટન રોહિત શર્માએ ટોસ જીતીને બેટિંગ કરવાનું પસંદ કર્યું. તેમનો નિર્ણય ભારત માટે બિલકુલ યોગ્ય સાબિત થયો ન હતો. ભારતીય ટીમ 46 રનમાં ઓલઆઉટ થઈ ગઈ હતી. હોમ ગ્રાઉન્ડ પર ભારતનો આ સૌથી નાનો સ્કોર છે. ટીમના 5 બેટ્સમેન શૂન્ય પર આઉટ થયા હતા.
રિષભ પંત ટીમનો સૌથી વધુ સ્કોરર હતો. તેણે 20 રન બનાવ્યા હતા. ન્યુઝીલેન્ડ તરફથી મેટ હેનરીએ સૌથી વધુ 5 વિકેટ લીધી હતી. વિલિયમ ઓ’રોર્કે 4 વિકેટ લીધી હતી. ટિમ સાઉથીને એક વિકેટ મળી હતી.
ભારત-ન્યૂઝીલેન્ડ બેંગલુરુ ટેસ્ટનો સ્કોરકાર્ડ
બંને ટીમોના પ્લેઇંગ-11
ભારત: રોહિત શર્મા (કેપ્ટન), યશસ્વી જયસ્વાલ, વિરાટ કોહલી, કેએલ રાહુલ, રિષભ પંત (વિકેટકીપર), સરફરાઝ ખાન, રવિન્દ્ર જાડેજા, આર અશ્વિન, કુલદીપ યાદવ, જસપ્રિત બુમરાહ અને મોહમ્મદ સિરાજ.
ન્યુઝીલેન્ડ: ટોમ લાથમ (કેપ્ટન), ડેવોન કોનવે, વિલ યંગ, રચિન રવિન્દ્ર, ડેરીલ મિશેલ, ટોમ બ્લંડેલ (વિકેટકીપર), ગ્લેન ફિલિપ્સ, મેટ હેનરી, ટિમ સાઉથી, એજાઝ પટેલ, વિલિયમ ઓ’રર્કે.